तिच्या जन्मापासूनच गरीबी सोबतीला होती. आई नोकराणी, बापाचा पत्ता नाही. पहिली सहा वर्षे आजीकडे काढली. गरीबी इतकी की आजी बटाट्याच्या पोत्याचे कपडे शिवून तिला घालायला लावायची. त्यामुळे ती चेष्टेचा विषय बनली होती. ती नऊ वर्षांची असताना तिच्यावर बलात्कार झाला, नंतर नातेवाईक आणि परिचित यांच्याकडून विनयभंगाचे बरेच प्रकार घडले. १४ वर्षांची होती तेव्हा घरातून पळून गेली. गरोदर राहीली, मुलगा जन्मल्यानंतर काही काळातच मेला. इथपर्यंत ऐकल्यावर सहानूभूती वाटते, नाही? आणि आत्ता ती कुठे असेल असे विचारले तर डोळ्यासमोर कितीतरी वाईट पर्याय येतात.