२. आवरण
३. कोबाल्ट ब्लू
(ही दोन्ही पुस्तके अर्थात मणिकर्णिका यांचे लेख वाचून मागवली आहेत)

अगदी याच कारणासाठी मी पण ही २ पुस्तके घेतली आहेत ऋ

आजच चीपर बाय द डझन घेतले. :)

वाचा वाचा, चांगलंय. दोघाजणांना काहीतरी चांगलं वाचायला उद्युक्त करु शकले. माझं बहुधा स्वर्गात रिझर्व्हेशन झालंय ऑलरेडी! :)))
माझ्याकडे आलेली नवीन पुस्तकं-
ब्राह्मणकन्या- श्री.व्य.केतकर
जन हे वोळतु जिथे- शरच्चंद्र मुक्तिबोध
पैंजण-म. ना.अदवंत
धग, शिळान अधिक आठ कथा-उद्धव शेळके
पण लक्षात कोण घेतो-हरि नारायण आपटे
औदुंबर-श्री.दा.पानवलकर
दौलत-ना.सी.फडके
तपस्या, महाश्वेता-डॉ. सुमती क्षेत्रमाडे (वाचलेली आहेत, संग्रही नव्हती)
साठे फायकस-नारायण धारप (धारप फेव्हरिट असल्याने याच पुस्तकापासून सुरुवात केली. कायच्या काय भारी. नारायण धारप फ़ॅन ग्रुप-इथे लक्ष द्या. धारपांच्या समर्थ कथांपेक्षा ही एकदम हटके आहे. एकदम साय-फाय प्लॉट अधिक अतिमानवी अस्तित्व असं कॉकटेल)

शक्य आहे. धारपांनी एकच पॅटर्न घेऊन भरपूर पुस्तकं काढली, त्यातला प्रकार असेल.
या पुस्तकाचं नाव नंतर बदललं-बिदललं की काय असं वाटून मी आताच गूगल केली ही दोन्ही नावं. आणि माझं बरोबरच होतं! धारपांची दोन सारख्याच पॅटर्नची वेगवेगळी पुस्तकं आहेत ही.
म्हणून मी नायक कोण आहे विचारलं.

१. साखरेचं बाळ - ऋषिकेशच्या लेखामुळे
२. छंद माझे वेगळे - गो.नी.दां. वल्लीशी मागे एकदा गोनीदांवर चर्चा झाली त्यावेळी राहिले होते ते आता घेतले
३. भगवान बुद्ध - आनंद श्रीकृष्ण (मॅजेस्टीक प्रकाशनाच्या साईट्वर इथे पाहिले म्हणून घेतले)

वनवास - संत
औदुंबर - पानवलकर
समांतर जीवन - सुनीताबाई
मी हिंदू झालो - थत्ते

कालच पुण्यात एका ठिकाणी एका समारंभाच्या निमित्ताने जायचे असल्यामुळे आचार्य अत्रे येथे भरलेल्या 'साहित्यदर्शन' च्या पुस्तक प्रदर्शनाला वेळेअभावी अतिशय धावती भेट दिली. त्यात एक सुंदर पुस्तक हाती लागले.

अशी धरतीची माया (मरळि मण्णिगे) - शिवराम कारंथ - अनु. रं. शा. लोकापूर
प्रकाशक - साहित्य अकादमी - किं. फक्त १७० रू.

आता आठवडाभरात तिथे एक निवांत भेट देउन खरेदी करेनच. सरसकट सर्वच पुस्तके २०% सवलतीत उपलब्ध आहेत. शिवाय समोरच अक्षरधाराचा नुकताच सुरु झालेला पुस्तकांचा मॉल. एकंदरीत वाचकांसाठी दुग्धशर्करा योगच.

काल डॉ सरोजिनी बाबर ह्यांचे 'माझ्या खुणा, माझ्या मला' हे पुस्तक मिळाले.
रविवार सार्थकी.

१) 'माझी कॉर्पोरेट यात्रा' संजय जोशी
२) श्री विदुर यांचे 'मैत्र जीवांचे'
३) 'फिडेल, चे आणि क्रांती' व 'तिसरी क्रांती' - अरुण साधू (वाचली आहेत)

१. अंतरीचे धावे - भानू काळे
२. सुनीताबाई - मंगला गोडबोले
३. मी अल्बर्ट एलिस - डॉ. अंजली जोशी
४. मनोगती - डॉ. आनंद नाडकर्णी
५.मुक्तांगणची गोष्ट - डॉ. अनिल अवचट
६. स्त्रीमिती - निवडक मिळून सार्‍याजणी - संपादित

काल आचार्य अत्रे सभागृहातील 'साहित्यदर्शन'च्या प्रदर्शनाला निवांत भेट देउन आलो. जवळजवळ दीड तास घालवला तिथे पण पुस्तक मात्र एकच घेतले गेले. फक्त एकच कसे काय घेउन बाहेर पडलो ते माझे मलाही कळले नाही.:( बरीच् घ्यावयाची होती. पण घेणे राहूनच गेले.
घेतले ते -
सार्थवाह (मराठी अनुवाद) - मूळ हिंदी लेखक मोतीचंद्र -प्राचीन भारताच्या दळणवळणाचा एक अभ्यासू संदर्भग्रंथ.
यात खिस्तपूर्व २०० वर्षांपासून ११ व्या शतकापर्यंतच्या दळणवळणाची, त्यांच्या मार्गांची, व्यापाराच्या व पर्यायाने त्या काळातील राजवटींविषयीची माहिती दिली आहे. संग्रही असावेच असे पुस्तक.
प्रकाशक- साहित्य अकादमी.
किं. १६० रू.

नंतर समोरच्या अक्षरधाराच्या पुस्तक मॉलला पण भेट दिली. एकदम अप्रतिमच सजावट केलीय. एव्हढी सुंदर रचना, पुस्तकांचे कप्पे, खास पुस्तकांसारखीच असणारी उघडमीट करता येणारे कप्पे इतर कुठेही पाहाण्यात आले नाहीत. एकंदरीत भेट द्यावीच असे दुकान.

आदिपर्व * लेखिका * प्रमिला जरग * मेहता पब्लिशिंग हाऊस * किंमत ३०० रुपये.

`रवीन्द्रवीणा', `रविन्द्रमनन', `रविन्द्रझंकार'....... पॉप्युलर प्रकाशनची तीन पुस्तके (एकूण किंमत रु.४५०/-) म्हणजे रविन्द्रनाथ टागोरांच्या सुप्रसिध्द `गीतांजली' मधील काही गीतांची आचार्य काका कालेलकर ह्यांनी मराठी भाषेत करून दिलेली ओळख आहे.
मूळ बंगाली गीत, त्यांतील भाव विषद करणारे मनन, गीताचा स्वैर अनुवाद व कठीण बंगाली शब्दांचे अर्थ असं ह्या तिन्ही पुस्तकांचं स्वरुप आहे.

काल पुण्यात जाउन घेतलेली पुस्तके-
सुशिंची-प्रयास, सालम, क्रमशः
आणि ड्रॅक्युला-ब्रॅम स्टोकर-अनु. स्नेहल जोशी, प्रकाशन-साकेत

महेश एलकुंचवारांचे स्वानुभवांवर आधारीत असे मौनराग हे पुस्तक बहुतेक ऑफप्रिंट होते की काय माहिती नाही.
पण फ्लिपकार्टवर विशलिस्ट मधे अ‍ॅड करुन ठेवले होते ३-४ महिन्यांपूर्वी.
३ दिवसांपूर्वीच त्यांची ईमेल आली होती, म्हणून तेवढेच पुस्तक ऑर्डरवले आहे

सागर,
`मौनराग' हे पुस्तक नक्की वाच. मला ते खूप आवडले. विशेषकरून एलकुंचवारांच्या बालपणीचे चित्रण वाचून थक्क झाले. माणसाच्या अभिव्यक्तीची तसेच वागण्याची संगती लागण्यास अशा लेखांचा उपयोग होतो. अर्थात असे लेख वाचून मन पूर्वग्रहदूषित होण्याचा संभव असतो. पण ते सारे बाजूला सारून अशा कलावंताच्या कलेचा आस्वाद घेता यायला हवा. असो. हा एक मोठ्ठ्या लेखाचा विषय आहे.
ह्याच पुस्तकातील दोनच लेखांच्या अभिवाचनाचा अभिनव प्रयोग चंद्रकांत कुलकर्णी आणि सचिन खेडेकर ह्यांनी केला होता. ठाण्याच्या गडकरी रंगायतन मध्ये मोजक्या १५-२० प्रेक्षकांच्या उपस्थितीत तो सादर झाला, नव्हे, छान रंगला. दोन्ही कलाकारांनी उत्तम सादरीकरण केले. एखादा ललित लेख तोंड्पाठ करून (एकही शब्द न बदलता) जसाच्या तसा सादर करण्याचं अवघड काम सचिन खेडेकर ह्या कलाकाराने मोठ्या ताकदीने पेलले. अगदी साधे नेपथ्य पण जुन्या वाड्याचा उत्तम फिल देणारे, आणि संपूर्ण रंगमंचाचा केलेला सुयोग्य वापर ह्यामुळे हा प्रयोग बघताना आम्ही सारे रंगून गेलो होतो. आणखी एखाद्या लेखाचा समावेश केला असता तरी चालले असते असे राहून राहून वाटत होते.....