वेचा:

आणि तिकडे पुलाखाली पोंब्या. स्वप्नात काय बघत असेल? मिथुन चक्रवर्तीसारखे आपणही सिनेमात नाचतो आहोत ते? आणि दु:खी डोळ्यांचा लहानसा दाम्या. हृदय पिळवटून टाकणारे सूर आपल्या बासरीतून काढणारा गंजू. सगळे आपापल्या झोपडीत, पुलाखाली झोपले असतील. आपल्या मेणचट झोपड्या उशाशी घेऊन. अर्धपोटी. उद्या सकाळी उठल्यावर पाऊस असो की ऊन असो, धोपट्या घेउन धंदा करण्याच्या आशेने स्टेशनांकडे पळत सुटतील. धंद्यातली कमाई दिवसेंदिवस कमीच होत राहणार-मग ही पोरं पुढच्या वर्षी काय करतील? त्याच्या पुढच्या वर्षी काय करतील? चोर्‍या करतील? की मटकेवाल्या, दारुवाल्यांच्या गँगमध्ये जातील? कुठे तरी जायलाच पाहीजे.

-----------------------------------------------------------------------------------------------------------------------------

संकेत देण्याची आवश्यकता वाटत नाही गरज पडल्यास देईनच.
संकेत १. ही मुंबईच्या पार्श्वभूमीवरील कादंबरी आहे.
संकेत २. मुंबईतल्या गरीब मुलांच्या व्यवसायाची पार्श्वभूमी या कादंबरीला लाभलीय. ठळक शब्दांवरून अंदाज बांधा.
संकेत ३. लेखकांनी एकदा अखिल भारतीय मराठी साहित्य संमेलनाचे अध्यक्षपदही भूषवले होते.

इंद्राचे अभिनंदन. त्यांनी पुस्तक अचूक ओळखले आहे. पाठोपाठ सागर ने लेखक ओळखूनही पुस्तक मात्र भगीरथ प्रयत्नांतीच ओळखले. तेव्हा त्याचे अभिनंदन. :)

पुस्तक दोघाजणांकडून ओळखले गेल्यामुळे आता उत्तर जाहीर करत आहे.

पुस्तकः झिपर्‍या
लेखकः अरूण साधू
पान नं. ११४