मागे काही दिवसा पूर्वी मी पुस्तकविश्व वरील मित्रांना मदत मागीतली होती तेव्हा तोत्तोचान या पुस्तका विषयी पुन्हा एकदा कळले व ते खरेदी करण्या साठी http://www.nbtindia.org/AdvanceSearch.asp इथे शोधाशोध केली असता अनेक पुस्तके आढळली जी फारच स्वस्त होती. यातील काही लघुकथांचे अनुवाद मी फार पूर्वी खरेदी केले होते. त्यातील काही फार छान होते वाचून बरीच वर्षे झाल्यामुळे व ती पुस्तके माझ्या भारतातील घरी असल्याने नेमके त्या विषयी लिहिता येत नाही.
अजून मराठी पुस्तकांसाठी च्या सर्च रिझल्ट च्या ५३ पानांपैकी सगळी पाने मी पाहीली नाहीत. वेब साईटचे डिझाईन व काम ही नीट नाही व त्या मुळे मी अजुन तोत्तोचान मिळवू शकलो नाही :(
या पुस्तकांमधील कोणती पुस्तके विख्यात आहेत, चांगली आहेत याविषयी जाणकार मंडळींनी प्रतिसादात लिहावे ही विनंती म्हणजे माझ्या सारख्यांना पुस्तके निवडायला मदत होईल.
वेळ मिळेल तसा हिंदी- इंग्रजी भाषेतील ही पुस्तके शोधण्याचा विचार आहे. पण तोवर आपणा सर्वांना या बद्दल सांगावेसे वाटले म्हणून लिहून मोकळा झालो.