संकेतः वाचले असेल तर गरज नाही ( खरेच गरज नाही पडली संकेताची :))
एकमेव संकेत - सदर लेखकास साहित्य अकादमीचा पुरस्कार मिळाला आहे. आणि कोकण प्रांतावर अधिकाराने लिहितात

या वेच्याचे विजेते आहेत - इंद्रराज आणि वल्ली. :)
टण्या यांनी स्पष्ट संकेत दिले आहेत त्यावरुन त्यांनी ओळखले आहे याची खात्री वाटते.
तेव्हा उत्तर जाहीर करतो आहे.
पुस्तकाचे नावः गारंबीचा बापू
लेखकः श्री.ना.पेंडसे
वेच्याचे पुस्तकातील स्थान : पान क्रमांक ८७ (२००९ च्या पुनर्मुद्रण आवृत्तीतील)

वेचा:
--------------------------
"मठ कुठं आहे?"
"तो पाहा कोपर्‍यांत?"
"ते उंचावरचं पांढरं घर?"
"हो"
"कोणी राहतं का तिथं?"
"बागलबुवा राहतात."
"थट्टा करतो आहेस की काय?"
"थट्टा नाही. खरंच. दुर्गेश्वरचे बागूल नांवाचे गृहस्थ आहेत. भूतवाडीला भिक्षा मागून तपश्चर्या करतात. तूं पाहिले नाहीस? रोज संध्याकाळी हाटेलवरुन जातात दुर्गेश्वरला."
"मी कुठचे पाहणार?"
"दाखवीन हं आज-आज नाही आतां-आज सारा दिवस व्याघ्रेश्वरालाच असतील. उद्यां आठवण कर."
"तपश्चर्या म्हणजे काय करतात?"
"करीत असतील अनुष्ठान. नाहीं तर दुसरं काहीं."
"मठ त्यांचाच का?"
--------------------------
एवढांच वेचा पुरेसा असावा :)