सर्वाना येत्या २०११ मधे भरपूर पुस्तक खरेदी आणि वाचन होवो हीच नववर्षाची हार्दिक शुभेच्छा!

आमेन!

एवढा छान धागा सुरु केल्याबद्दल धन्यवाद ऋ

पुस्तकविश्व मुळे एक वाचक म्हणून माझ्यातही बराच मोठा बदल झाला असे म्हणता येईल
पुस्तकविश्व मुळे अनेक नवनवीन (माझ्यासाठी अज्ञात) पुस्तकांची ओळख झाली.
पुस्तकांचा संग्रह करण्याची आवड माझी आधीपासूनच होती. पण या वर्षी मी जेवढी पुस्तके खरेदी केली तेवढी यापूर्वीची सगळी पुस्तके मिळूनही कधी एवढी खरेदी झाली नव्हती. हे घडले ते पुवि मुळे हे प्रामाणिकपणे सांगू शकतो. माझा ग्रंथसंग्रह समृद्ध होण्यात पुविचा मोठा सहभाग आहे.

कॉपीराईट अ‍ॅक्टनुसार बहुतेक ५० वर्षांपूर्वीची पुस्तके यात येत नाहीत तेव्हा अशी जुनी पुस्तके स्कॅन करता येतील.

या संकेतस्थळाच्या संचालकांनी ऋ च्या प्रस्तावावर नक्की विचार करावा ही विनंती. माझे ऋ ला अनुमोदन आहे.

सर्वांना येणारे २०११ हे नवीन वर्ष भरपूर वाचनाचे आणि आवडीच्या पुस्तकांच्या खरेदीचे जावो हिच इच्छा :)

२०११ मध्ये सर्वांचे भरपूर वाचन घडो हीच शुभेच्छा. :)

प्रस्तावाला अनुमोदन. सागरशी सहमत आहे. प्रताधिकारमुक्त पुस्तके साठवता आली तर फारच छान.

मी मदत करायला तयार आहे.

स्वयंसेवक होण्यास तयार आहे. प्रकल्प सुंदर आहे. यथाशक्ती मदत करायला आवडेल.

मलाही या प्रकल्पास हातभार लावायला आवडेल.

प्रकल्प. एक-दोन वर्षांपूर्वी काही जुनी पुस्तकं (उदा. दिवाकरांच्या नाट्यछटा) स्कॅन करून त्यांच्यातला मजकूर युनिकोडमध्ये टंकण्याच्या एका प्रकल्पात सहभागी झालो होतो. या प्रकल्पाला वेग आल्यावर ऑलरेडी झालेलं हे काम त्यात जोडता येईल.

या प्रकल्पाचा दुसरा फायदा म्हणजे सध्या देवनागरी/युनिकोडसाठी ऑप्टिकल कॅरॅक्टर रिकग्निशन ही सुविधा 'सी-डॅक'मार्फत विकसित केली जात आहे. (दुवा) तिला पूर्णत्व आल्यावर अशी स्कॅन केलेली पुस्तकं हा निव्वळ वाचकांसाठीच नव्हे तर संशोधकांसाठीही एक मोठा खजिना ठरेल.

उदा. गूगलने अलीकडेच जाहीर केलेली शब्दांचा शोध घेणारी सुविधा. ह्या उदाहरणात दाखवल्याप्रमाणे १८०० ते २००० या काळात प्रसिद्ध झालेल्या पुस्तकांत men आणि women ह्या शब्दांची वारंवारिता किती होती आणि बदलत्या काळाप्रमाणे त्यांचं गुणोत्तर कसं बदलत गेलं याचा आलेख काढणं सहज शक्य आहे.

सुंदर विचार. तसेच या निमित्ताने मीही हे मानतो की, "पुस्तकविश्व" चे नेट जगतातील आगमन ही माझ्यासारख्या एका वाचनप्रेमीसाठी 'पँडोरा बॉक्स' सिद्ध झाली. संस्थळावर मित्र असणे ही आता बिलकुल नाविन्याची बाब राहिलेली नाही, पण केवळ "पुस्तक" या प्रेमापोटी अगदी कालपर्यंत अपरिचित असलेली नावे आज एकदम खिशातच मुक्कामाला असल्यासारखी व्हावीत हे या संस्थळाचे आकर्षक असे फळ आहे.

मी स्वतःला बर्‍यापैकी पुस्तके वाचणारा आणि ती तशी स्वतःजवळ असावित असा अल्पशा ताकदीने का होईना, छंद जपणारा समजत होतो....पण इथे आल्यावर एकापेक्षा एक असे या क्षेत्रातील "सचिन तेंडुलकर" पाहिल्यानंतर समजून चुकले आणि मला या पंढरीत कुठे टाळ घेऊन तरी उभारायला जागा आहे की नाही हे अगोदर शोधायला हवे. २०१० साठीचा माझ्यासाठी हा फार मोठा लाभ होता.

२०११ देखील हेच पुन्हा सिद्ध करेलच. मी कॉम्प्युटर जगतातील तांत्रिक घडामोडीविषयी अनभिज्ञ असल्याने श्री.ऋषिकेश म्हणतात त्यातील त्या 'स्कॅन' संदर्भातील काहीशी त्रोटक स्वरूपातील (वेळोवेळी वाचनात आलेली) माहिती सोडता हा एकुणच प्रकल्प काय असेल याबाबत धुक्यातच आहे, पण तरीही वरील काही प्रतिसाद वाचल्यावर लक्षात येत आहे की जे काही पुढे मूर्त स्वरूपात येईल ते अभिनंदनीयच असेल.

इन्द्रा

सर्वांना नववर्षाच्या शुभेच्छा!!!
प्रकल्प उत्तम आहे. त्यात कोणत्या ना कोणत्या प्रकारे हातभार लावायला आवडेल.
प्रताधिकाराची आपल्या कडील मुदत काय आहे???
अशा पुस्तकाची यादी बनवता येईल का???

मला या प्रकल्पात मदत करायला मनापासून आवडेल. काय ठरतेय ते कळवा.