नमस्कार!!
जरा एका पुस्तकाची माहिती हवी आहे.
माझी पत्नी शिक्षिका आहे.नुकतेच तिला तिच्या शाळेतर्फे नाशिकला एका इण्टरनॅशनल स्कूल मधे २ दिवस ट्रेनिंग करता पाठवले होते. त्या विषयी प्रतिक्रिया देतांना ती म्हणाली की त्या ट्रेनिंग मधल्या काही बाबी तिच्या शाळेसाठी उपयोगी नव्हत्या कारण तिच्या शाळेत गरीबा घरची मुले अधिक आहेत. तर मी तिला अनुताई वाघांचे "कोसबाडच्या टेकडी वरून"हे पुस्तक वाचायला सुचवले. यात महाग शैक्षणिक साधने न वापरता अनुताईंनी केलेले शिक्षण विषयक प्रयोग आहेत. तसेच दादर च्या बालमोहन चे संस्थापक्/मुख्याध्यापक (चु.भु.दे.घे.) रेगे यांचे पुस्तक ही सुचवले. पण त्याचे नाव मला काही केल्या आठवत नाहीये. तर त्या पुस्तकाचे नाव , प्रकाशन गृह ही माहिती हवी आहे म्हणजे तिला ते मागवता येइल.
तरी ही माहिती तुम्हाला ठाउक असेल तर अथवा तुमच्या समानशील मित्रांपैकी कुणाला ठाउक असल्यास कळवावी ही विनंती.

तसे आधी मी जालावरील चांगले अभ्यासू वाचक अशी ओळख असलेल्या दोघांना ( प्रत्यक्ष भेट अजून झाली नाही, होईल कधी तरी नक्कीच )व्य.नि. करून ही माहिती विचारली आहे ते ही आपल्या परिने शोध घेत आहेत. पण मी विचार केला सगळे वाचनवेडे आपले मित्रच! म्हणून इथे ही लिहीले. मला ही दोनच पुस्तके आठवली तुम्हाला आणखी कोणचे ( मराठी/ इंग्रजी) सुचवावेसे वाटले तर प्रतिसादात जरूर लिहा.