जरूर, वल्ली....हे काम मी मोठ्या आनंदाने करीन. हातात काही कामे आहेत [अर्थात पोटापाण्याशी संबंधित...] त्यातून थोडासा निवांतपणा मिळाला की लगेच या लेखाच्या मागे लागेन. शुअर !

इन्द्रा

"पास...?" अहो, तुम्ही तर संपादक मंडळाचे आधारस्तंभ आणि तुम्हीच जर झटक्यात 'पास' केलात तर बाकीच्या सदस्यांनी काय करावे?

जीए तुमचे आवडीचे असणारच....सो ट्राय ना !

इन्द्रा

मणिकर्णिका....

तुमचा इथला हा पहिलाच प्रतिसाद आणि "कोडे" प्रकारातही प्रथमच भाग घेत असल्याने थोडासा गोंधळ झाला आहे असे दिसते. कोड्याचे उत्तर इथे द्यायचे नसते, ते "व्यक्तिगत संदेश" या सोयीची उपयोग करून तिथे उत्तर देण्याचा नियम आहे. जेणेकरुन कोडे विचारणारी व्यक्ती आणि उत्तर देणारी व्यक्ती यांच्यात ते 'सिक्रेट' राहते व अन्य सदस्य उत्तर शोधण्याचा प्रयत्न करीत राहतात. पण असो....ही चूक तुमच्याकडून अजाणतेपणी झाल्याने त्याबद्दल आता काही करता येणार नाही.

तुम्ही दिलेली सर्व उत्तरे साहजिकच बरोबर आहेत, त्यावरून तुम्ही जी.ए.कुलकर्णी प्रेमी आहात हे सिद्धच झाले, पण आता येथील अन्य सदस्य वरील कथांचा शोध घेणार नाहीत, याचे वाईट वाटते.

असो...राहिलेल्या कथादेखील तुम्ही नक्कीच शोधुन काढाल याचा विश्वास वाटतो..

इन्द्रा

"....तुम्ही वाटल्यास तो प्रतिसाद डीलीट करु शकता...."

~ अरे छोडो ये बात | डीलीट कशाबद्दल करायचे तुमचे इतके छान आणि अचूक उत्तर? खुद्द मीही ज्यावेळी 'कोडे' प्रकारात प्रथमच भाग घेतला होता त्यावेळी 'उत्तर कुठे द्यायचे?' याबाबत गोंधळलेलोच होतो, पण थेट उत्तर देण्यापूर्वी त्या कोड्याच्या मागील काही कोडी आणि उत्तर देण्याची पध्दत पाहिली आणि कळाले की, त्या त्या कोडेप्रस्तुतीकाराला 'व्यक्तिगत संदेश' मधून प्रथम उत्तर पोच करायचे आणि जर ते बरोबर असेल तर ते त्याच्यामार्फतच इथे "ओपनली" विजेत्याच्या नावासह जाहीर केले जाते. हा एक आपापसात वाचनाची आवड, लेखकाची ओळख, अधिक वाचन आदी प्रकारासाठी अत्यंत उपयुक्त असा धागाप्रकार आहे.

असो...पण या निमित्ताने एका 'जी.ए.कुलकर्णी' वाचकाची ओळख तरी झाली. तुम्ही स्वतःही त्यांच्या एक वा अनेक कथांवर वरीलप्रमाणे [वा वेगळ्यारितीने] कोडे तयार करून इथे प्रकाशित करू शकता.....ट्राय इट !

इन्द्रा

सुधीर जी.....पुस्तकविश्वच्या कुटुंबात तुमचे मनःपूर्वक स्वागत....अन् त्यातही तुम्ही 'जी.ए.कुलकर्णी' नावाच्या झपाटून टाकणार्‍या झाडाच्या सावलीतीलच असल्याने तिथे आम्हीही आहोत हे लक्षात घेतल्यास आपल्यासमवेत अशाच साहित्याची बैठक रंगतदार होत जाणार यात संदेह नाही.

केवळ प्रतिसादच नव्हे तर संबंधित विषयावर इथे नित्य लिखाणही करावे तुम्ही...अशी विनंती आहे.

इन्द्रा