कराटे गर्ल्स ही एक प्रेरणादायी स्पोर्ट्स ड्रामा वेब सिरीज आहे, जी हल्लीच माझ्या पाहण्यात आली. ही २०२४ मध्ये प्रदर्शित झाली वेब सिरीज असुन हा पहिला सिझन आहे.
ही कथा कोमल आणि आभा या दोन १८ वर्षांच्या मुलींभोवती फिरते, ज्यांची पार्श्वभूमी पूर्णपणे वेगळी आहे. कोमल ही रागीट आणि बिनधास्त स्वभावाची मुलगी आहे, तर आभा ही तिच्या वडिलांच्या कराटे अकॅडमीचा वारसा पुढे नेणारी शिस्तबद्ध मुलगी आहे. [ सिरीज पाहताना आभाचे डोक्यावरील विविध हेअर बँड्स तिची स्टाईल सेन्स दाखवतात. ]
कथा मुख्यत्वे नाशिक मधील नवोदय कराटे अकॅडमी मध्ये घडते जिथे कोमल तिच्या रागावर नियंत्रण मिळवण्यासाठी प्रवेश घेते.सुरुवातीला एकमेकींच्या प्रतिस्पर्धी असलेल्या या मुली नंतर कराटे स्पर्धेसाठी एकत्र येतात.
या मालिकेत अश्लेषा ठाकूर [ कोमल ] आणि सेलेस्टी बैरागी [ आभा ] यांनी मुख्य भूमिका साकारल्या आहेत.
मानव गोहिल यांनी आभाच्या वडिलांची (सेन्सेई: अजय कदम) महत्त्वाची भूमिका निभावली आहे.ही सिरीज मैत्री, जिद्द आणि स्वतःची ओळख शोधण्याच्या प्रवासावर आधारित आहे.खेळाच्या माध्यमातून सामाजिक अडथळे तोडणाऱ्या मुलींची ही गोष्ट अत्यंत प्रभावी आहे.ही वेब सिरीज Amazon MX Player वर पाहण्यासाठी उपलब्ध आहे.
मदनबाण.....
आधीचा भाग :- सध्या मी काय पाहतोय ? भाग ११