पुस्तकाचे नाव आहे थरारक

सुहास शिरवळकरांचे हे सुंदर पुस्तक माझ्या संग्रहात आहे :)
शशिदीप प्रकाशनाचे आहे

हे ते पुस्तक - क्लिक करा

बालभारतीच्या पुस्तकात मिळेल ही कविता

लेझिम चाले जोरात
दिवस सुगीचे सुरु जाहले, ओला चारा बैल माजले,
शेतकरी मन प्रसन्न जाहले...
छन खळखळ छन ढुमढुम पटढुम्,
लेझिम चाले जोरात!

चौघांनी वर पाय ऊचलले, सिंहासनीं त्या ऊभे राहिले,
शाहिर दोघे ते डफ वाले...
ट्पढुम, ढुमढुम, डफ तो बोले..
लेझिम चाले जोरात!

दिवटी फुरफुर करू लागली, पटक्यांची वर टोंके डूलली,
रांग खेळण्या सज्ज जाहली,
छन खळखळ छन ढुमढुम पटढुम्,
लेझिम चाले जोरात!

भरभर डफ तो बोले घुमुनीं, लेझिम चाले मंड्ल धरुनी,
बाजुस-मागें, पुढे वाकुनी...
छन खळखळ छन ढुमढुम पटढुम्,
लेझिम चाले जोरात!

डफ तो बोले-लेझिम चाले, वेळेचे त्या भान न ऊरले,
नाद भराने धुंध नाचले...,
छन खळखळ छन ढुमढुम पटढुम्,
लेझिम गुंगे नादात्!

सिंहासन ते डुलु लागले, शाहिर वरती नाचू लागले,
गरगर फिरले लेझिमवाले...
छन खळखळ छन ढुमढुम पटढुम्,
लेझिम गुंगे नादात्!

दिनभर शेती श्रमूनी खपले, रात्री साठी लेझीम चाले,
गवई न लगे, सतारवाले...,
छनखळ झुणझिन,रात्र संपली नादात्
लेझिम चाले जोरात् !

पहाट झाली - तारा थकल्या, डफवाला तो चंद्र ऊतरला,
परी न थकला लेझिम मेळां...,
छनखळ झुणझिन, लेझिम खाली...
चला जाऊया शेतात् ! चला जाऊया शेतात् !!

- श्रीधर बाळकृष्ण रानडे

"...बालभारतीच्या पुस्तकात मिळेल ही कविता...."

~ होय....आणि यदाकदाचित हे बालभारतीचे पुस्तक तुम्हाला कुठे मिळाले नाही तर "आठवणीतल्या कविता भाग-१" मध्ये या कवितेचा समावेश केला आहे (पान क्रमांक १३६)....हा संग्रह जवळपास सर्वच पुस्तकविक्रेत्याकडे उपलब्ध असतो....किंमतही केवळ १००/- रुपये आहे.

(अर्थात श्री.सागर यानी टंकण्याचे इतके कष्ट घेऊन सर्व कविताच तुमच्यासमोर आणून ठेवली आहे, त्याबद्दल त्यांचेच तुम्ही आभार माना...मी संग्रहाचे नाव देण्याचे कारण म्हणजे कवितेसोबत असणार्‍या कुणी अज्ञाताने काढलेल्या 'चांदण्यातील लेझीम' हे चित्र पाहाण्यासाठी....फार सुंदर आहे हे चित्र.)

इन्द्रा

निमित्तमात्र मधली पहिली कथा आहे - सावधान
काल रात्रीच सागर ने एसएमएस करून सांगितले पण टंकायला उशीर झाला.
धन्यवाद सागर. :)