मागच्यावेळेस फारसे प्रतिसाद आले नाहीत. यावेळेस मात्र असे होणार नाही असे वाटते. तर हे घ्या... एक कविता टाकतो आहे. म्हणजे त्यातली काही कडवी.

**

रामाच्या देवळामागे
हातभट्टीची धुनी जागे,
शेपटी घालून चालू लागे
हनुमान कोणी भ्यालेला.

राज्य खुनी भांडग्यांचे,
राज्य धनदांडग्यांचे,
राज्य सत्तालांडग्यांचे,
भयभीत सारे.

हा इथे दिसतो भ्यालेला,
तो तिथे दिसतो भ्यालेला,
जो जो दिसतो तो भ्यालेला,
भयभीतसारे.

कोणाची भुई तोडून नेली,
कोणाची गुरे सोडून नेली,
कोणाची पोरगी ओढून नेली,
भयभीत सारे.

पाऊस आंधळा बडवून गेला,
दुष्काळ कोरडा रडवून गेला,
रोग झाडे झडवून गेला,
भयभीत सारे.

पोट उपाशी, खावया मिळेना,
पाणी कोठे प्यावया मिळेना,
वाट कोठे जावया मिळेना,
भयभीत सारे.

.
.
.

**

संकेत १ : काव्यसंग्रह. एका प्रसिद्ध ग्रंथाचे विडंबन. विडंबक अतिशय लोकप्रिय आणि अजून हयात असलेले कवी आहेत.