गेल्या सहा महिन्यांची खरेदी देते आहे.
इंग्रजी पुस्तकांमध्ये-
१. दॅट लाँग सायलेन्स-शशी देशपांडे
२. द हाऊस ऑफ ब्लू मँगोज- डेव्हिड दाविदार
३. नो कंट्री फॉर विमेन- तस्लिमा नासरीन
३. जेजुरी- अरुण कोलटकर
४. काफ्का ऑन द शोअर- मुराकामी
५. नॉर्वेजियन वूड- मुराकामी
६. लेडे चॅटर्लीज लव्हर- डी.एच. लॉरेन्स
७. कलेक्डेट स्टोरीज ऑफ काफ्का
८. कलेक्टेड स्टोरीज ऑफ गोगोल

मराठीत-
१. निष्पर्ण वृक्षावर भर दुपारी- ह.मो.मराठे
२. अफवा खरी ठरावी म्हणून- प्रज्ञा दया पवार
३. चारशे कोटी विसरभोळे (नाटक)- मकरंद साठे
४. निवडक सदानंद रेगे- संपादन- वसंत आबाजी डहाके
५. सतीश आळेकरांची सर्वच्या सर्व नाटकं (कुतुहल असणारयांनी व्य.नि करावा, पूर्ण लिस्ट पाठवली जाईल)

हिंदीत-
१. दिवारमें एक खिडकी रहती थी- विनोदकुमार शुक्ल
२. नौकर की कमीज- विनोदकुमार शुक्ल
३. पिली छत्रीवाली लडकी- उदयप्रकाश

मंगेश पाडगावकर - स्नेहगाथा, कवितेच्या शोधात आणि चिंतन
नसीमा हूरजूक - चाकाची खुर्ची (ह्यांना भेटून, त्यांच्या प्रकल्पाचे काम पाहूनही आले. थोडाफार जमेल तसा सहभागही घेतला आहे)
रस्कीन बाँड - Rain in the mountains - notes from Himalayas.

गेल्या दोनतीन महिन्यात जशी धावपळ झाली तशीच त्यातूनही काही पुस्तके खरेदीसाठीही वेळ काढला. सारीच अजून पूर्णपणे वाचलेली नसली (कारण मार्च २०१२ नंतर त्यांचे निवांतपणे वाचन सुरू होईल - व्हीआरएसमुळे) तरी या ना त्या निमित्ताने त्याना रॅक्समधून खाली काढून एकदोन प्रकरणे वाचली आहेत, इतकेच सांगू शकतो :

१. स्पीकिंग ऑफ फिल्म्स ~ सत्यजीत रे
२. जर्नी डाऊन मेलोडी लेन ~ राजू भारतन [वाचताना इंग्रजी अगदी मधात बुडवून काढले आहे असे वाटते. विषयही तितकास आकर्षक आहे.]
३. फर्स्ट डे फर्स्ट शो ~ अनुपमा चोप्रा
४. द ग्रेटेस्ट शो ऑन अर्थ ~ जेरी पिन्टो
५. कैफी आणि मी ~ शौकत कैफी [हे मात्र पूर्ण वाचले आहे]
६. वाचणार्‍याची रोजनिशी ~ सतीश काळसेकर
/ श्री.सतीश काळसेकर हे १९६० च्या दशकातील अनियतकालिक चळवळीतील भालचंद्र नेमाडे, अशोक शहाणे, रघू दंडवते, वसंत गुर्जर, मनोहर ओक, अरुण कोलटकर आदी "यंग ब्रिगेड" चे एक नावाजलेले सदस्य. नंतर "आपले वाङ्मयवृत्त" आणि 'साधना" यांच्या माध्यमातून एक जबरदस्त ताकदीचे स्तंभलेखक म्हणून नावाजले गेलेले लेखक. त्यांचे असे समग्र लेखन आता "वाचणार्‍याची रोजनिशी' या शीर्षकाने लोकवाङ्मय गृहाने प्रकाशित केले आहे.

खुद्द सतीश काळसेकर हे स्वतः आपल्या 'सागर' प्रमाणे 'पुस्तकवेडे' आहेत. इतके की त्यांच्या घरी त्याना मुद्दाम भेटायला जाल तर प्रथम दर्शन होते ते चारी बाजूने पसरलेली शेकडो नव्हे तर हजारो पुस्तके. एखाद्या झाडाच्या पारंब्या बेफाटपणे परिसरात पसराव्या तशा पुस्तकांच्या राशी. त्यातून आता सत्तरी गाठलेल्या काळसेकरांना शोधणे हे एक दिव्यच असते.

"वाचणार्‍याची रोजनिशी" या पुस्तकाची मांडणी, बांधणी, छपाई, अगदी दृष्ट लागण्यासारखी झाली आहे. हे पुस्तक पुस्तकविश्वच्या सार्‍या सदस्यांनी आवर्जून आपल्या संग्रही ठेवावे अशी मुद्दाम शिफारस करीत आहे./

अशोक पाटील

पुण्यात हापिसची मिटींग उरकून परत येताना द्प्न पुस्तके विकत घेतली गेली.

१. कर्व्हालो - पूर्णचंद्र तेजस्वी - अनु. उमा कुलकर्णी - किं. १०० रू. प्रकाशकः मेहता पब्लिशिंग हाऊस
२. फ्लॉरीस्टन बंगला - नरसिंह माळगी - अनु. उमा कुलकर्णी -किं. २५० रू. प्रकाशकः पद्मगंधा प्रकाशन

फ्लिपकार्टवरून 'शाळा' आणि 'प्राइड अँड प्रेज्युडाइज' मागवले. शाळा आधी लायब्ररीतून आणून वाचलेले. यावेळी आधीच्यापेक्षा जास्त आवडले.
'प्राइड..' ऋषिकेशचे वाचून. शिवाय फ्लिपकार्टने फ्री शिपिंगसाठीची किमान मर्यादा १०० वरून २०० रू. केली म्हणून!

पुण्याच्या धावत्या भेटीत खूप कमी मित्रांना भेटू शकलो
या भेटीत आपल्या पुस्तकविश्वचा सक्रिय सदस्य 'मनिष' याने मला भेट म्हणून दिलेले
एक असतो बिल्डर - डॉ. सुधीर निरगुडकर हे सुंदर पुस्तक बंगळूरात माझ्या घरी आले.
शोभा बोंद्रे यांचे शब्दांकन आहे, पुस्तक अफलातून आहे असे दिसते आहे.
काल रात्रीच मी बंगळुरात परत आलो व बसल्या बसल्या पहिले प्रकरणही वाचून झाले. एवढे अफलातून आहे हे पुस्तक. लेखनशैली पकड घेणारी आहेच पण त्याहीपेक्षा पहिल्या प्रकरणात निरगुडकरांनी चॉपस्टीकने भात खाणे कसे साध्य केले , त्यासाठी काय काय मेहनत घेतली हे मुळातूनच वाचण्यासारखे आहे. हा आठवडा माझा गडबडीत जाणार असला तरी हे पुस्तक वाचून होईल याची खात्री आहे. वाचून झाल्यावर या पुस्तकावर नक्की लिहिन असे वाटते आहे.

या पुस्तकाची झलक बुकगंगावर येथे बघावयास मिळेल

- कैफी आणि मी - शौकत कैफी (अशोक काकांनी लिहिलेल्या या परिक्षणामुळे घेतले )

- छत्रपती शिवाजी महाराज जीवनरहस्य - नरहर कुरुंदकर ( छोटीशी पुस्तिका पण आवाका प्रचंड)
- थेंब अत्तराचे - नरहर कुरुंदकर (कुरुंदकरांनी लिहिलेल्या चौदा कवितासंग्रहांच्या प्रस्तावना, दोन काव्यसंग्रहांची परीक्षणे व एका कवितेसंबंधीचे विवेचन )
- दुदैवी रंगू - भारताचार्य म्हणून ज्यांना गौरविले जाते त्या चिं. वि. वैद्य यांची पानिपत युद्धाचा उपकथानकाच्या साहाय्याने वेध घेणारी कादंबरी

टीकास्वयंवर - भालचंद्र नेमाडे (साहित्य अकादमी पुरस्कार प्राप्त टीका व समीक्षा ग्रंथ)
राडा - भाऊ पाध्ये (प्रस्तावना भालचंद्र नेमाडे) मुंबईच्या पार्श्वभूमिवरची कादंबरी

फ्लिपकार्टवरून विश्वनाथ खैर्‍यांचे 'मराठी भाषेचे मूळ' मागवले. जालावरतीच या पुस्तकाबद्दल वाचले होते.
अवांतरः सहज चाळताना ३-४ ठिकाणी 'निरखण' हा शब्द दिसला. 'निरीक्षण' पासून बनलेली 'निरखणे', 'निरखून पाहणे' अशी रूपे वापरात असली, तरी 'निरीक्षण'च्या जागी 'निरखण' विचित्र वाटले. तमिळ भाषकांसारखा जाणूनबुजून संस्कृत शब्द कमी वापरण्याचा प्रयत्न वाटला. असो,वाचूम्न झाल्यावर मत सांगेन.

पेनग्विन प्रकाशनाच्या ह्या दोन पुस्तकांवर ३०% सूट मिळाली म्हणून --- १. अरेबा परेबा आणि इतर कथा - उदय प्रकाश आणि २. नव्या वाटा नवी वळणे (निवडक कविता) - संपादक: निशिकांत मिरजकर

फ्लिपकार्टवरुन --

1. The 80/20 Principle: The Secret Of Achieving More With Less - Richard Koch. (ब्रिटीश कोउन्सिलच्या लायब्रतून आणलेले हे पुस्तक आवडले म्हणून कायमचे संग्रही असावे असे वाटले.)
2. Wuthering Heights - Emily Bronte -- तिळा तिळा दार उघड हे तारा वनारसे ह्यांनी लिहिलेले पुस्तक वाचून हे पुस्तक घेतले. पण ते मोफतही उपलब्ध आहे असे क़ळले म्हणून तेही (e-book) डाऊनलोड केले.
3. The One Minute Manager: Increase Productivity, Profits And Your Own Prosperity - Spencer Johnson Ken Blanchard (नोकरी सुरु झाल्यावर लगेचच खरेदी केले एका मित्राच्या शिफारसीवरुन)

बुकगंगावरुनः
मराठी:
हिंदू - जगण्याची समृद्ध अडगळ - भालचंद्र नेमाडे (शेवटी घेतलेच)
सौंदर्यानुभव - प्रभाकर पाध्ये (साहित्य अकादमी पुरस्कार प्राप्त 'साहित्य आणि समीक्षा' ग्रंथ)
म्हैसूरचा वाघ - ह.ना. आपटे (टिपू सुलतानवरची कादंबरी)

फ्लिपकार्टवरुनः
उ:शाप - वि.स.खांडेकर

इंग्रजी:
The Big Sleep - Raymond Chandler (हा लेखक जेम्स हॅडली चेस पेक्षा जास्त छान लिहितो अशी माहिती मिळाली म्हणून घेतले)
Mallory - James Hadley Chase

1. मनात - अच्युत गोडबोले. सायकोलॉजीविषयी आहे.
2. रमलखुणा - जी. ए. कुलकर्णी. प्रवासी आणि इस्किलार..अजून काय. माझी जुनी कॉपी कुठे गेली काय माहीत म्हणून घेऊन टाकले./li>
3. व्यासपर्व - दुर्गा भागवत. घ्यायचेच होते.
4. ऐसपैस गप्पा दुर्गाबाईंशी - प्रतिभा रानडे. हे पण मस्ट होते
5. गर्द रानात, भर दुपारी - विजय पाडळकर. Rashomon ह्या जपानी चित्रपटाविषयी. खूप दिवसांपासून शोधत होतो, अचानक सापडले मग घ्यावेच लागले!
6. तुम्ही आणि तुमची मुलं - पार्किन्सन, रुस्तुमजी आणि पावरी (अनुवाद: अविनाश भोमे) - मारिओ मिरांडाच्या देखण्या चित्रांनी सजलेले एक अप्रतिम पुस्तक. मूळ इंग्लिश पुस्तक आता मिळत नाही, पण हा अनुवाद अतिशय देखणा आणि सुरेख झालाय. नक्कीच शिफारस करीन!

१. चोमा महार - शिवराम कारंथ - मराठी अनुवाद - श्यामलता काकडे (वल्ली चे रेकमेंडेशन )
२. शिवभूषण - निनाद बेडेकर (वल्ली ने स्त्रोत दिला आणि घेतले - हे पुस्तक अनेक दिवस निशाण्यावर होते)

३. हेमाद्री उर्फ हेमाडपंत यांचे चरित्र - केशव अप्पा पाध्ये

४. समुद्र - मिलिंद बोकील ( माझ्याकडचे हरवले म्हणून परत घेतले)
५. तुकाराम - भालचंद्र नेमाडे (या पुस्तकाच्या निर्मितीची अफलातून कथा इथे वाचायला मिळेल) - भालचंद्र नेमाड्यांची आता जवळपास सर्व पुस्तके माझ्या संग्रहात आली