औटॉफप्रिंट आहेत. लायब्ररीतून आणून झेरॉक्स करावीत (फुकटचा सल्ला)

पुण्यात नीलायमशेजारी पाथफांईडर आहे, तिथे पाहिले का?

रसिकच्या ऑनलाईन दुकानात चेकले तर तांबडफुटी उपलब्ध आहेसे दिसतेय.. बाकीची दोन नाही सापडली त्यांच्या संग्रहात. या पुस्तकांच्या प्रकाशकाकडे चौकशी केलीत का? एखादवेळेस एखादी प्रत असेल त्यांच्याकडेच तर?

माझ्याकडे साधारण एक-दिड वर्षापुर्वीपर्यंत 'नाते मनामनाचे' नावाचे एक अप्रतिम पुस्तक होते. परवा यादी करायचा कार्यक्रम हाती घेतल्यावर जेव्हा लक्षात आले की हे पुस्तक गायब आहे तेव्हा मला आणि आईला खूपच चुटपुट लागून राहिली आहे. हे पुस्तक म्हणजे लेखिकेने निरनिराळ्या क्षेत्रातल्या (अगदी बालरोग तज्ज्ञ, फॅमिली डॉक्टर, सेक्सॉलॉजिस्ट, सायकॉलॉजिस्ट वगैरे) डॉक्टरांच्या मुलाखती घेऊन त्यांचे केलेले संकलन आहे. त्या मुलाखती अत्यंत सुरेख लिहिलेल्या आहेत सर्वच अर्थाने. ते पुस्तक शोधायला माझ्याकडे त्याच्या लेखिकेचे अथवा प्रकाशकाचेही नाव नाही, हा आणखीन मोठा दैवदुर्विलास. कोणाला या पुस्तकाबद्दल कसलीही माहिती असल्यास सांगावी, ही विनंती. साक्षात पुस्तकच कुठे मिळू शकेल सांगता आले तर क्या केहने!

'एका काडातून क्रांती ' हे जपानी भाषेतून मराठीत अनुवादित झालेले पुस्तक आहे. एका जपानी शेतकर्‍याची,त्याने केलेल्या प्रयोगांची उत्तम माहिती यात आहे. लेखक अनुवादक माहीत नाहीत. हे पुस्तक कसे आणि कुठे शोधू?

मनिष,
खूप दिवसांपासून या पुस्तकाच्या शोधात होते. आज सापडले. मनःपूर्वक धन्यवाद !

'फुला' नावाचे एक छोटेसे पुस्तक आमच्याकडे होते पण आता हरवले आहे. यात फुला नावाच्या एका मुलाला फुलांवर निरनिराळे प्रयोग करण्याचा छंद असतो.. छंद काय वेडाच असतो तो त्याबद्दल असे म्हणावे असेच. काहितरी कारणाने त्याला तुरूंगात टाकले जाते तर तो तिथेही त्याच्या कोठडीत एक फुलाचे झाड लावतो. जेलच्या जेलरची मुलगी असते कळी तिला फुलाचा हा ध्यास खूप आवडत असतो. ती त्याला त्यात मदत करायचे ठरवते. इतकेच आठवतेय कारण अगदी लहान असताना वाचलेली कथा आहे ही. बहुतेक सानेगुरूजींनी लिहिलेली असावी असा कयास आहे पण पुस्तकाचे नाव, प्रकाशक माहिती नसल्याने पंचाईत आहे. कोणाला माहिती असल्यास कृपया मदत करावी.

चांगल्या मराठी पुस्तकांच्या पीडीएफ ची लिंक कुणी सांगेल का मला ?

दुर्गाबाईंचे अस्वल हे पुस्तक आहे का कोणापाशी? किंवा कुठे मिळेल?