मीच सुरू करते!

औरंगाबादमध्ये एस. बी. कॉलेज रोड, औरंगपुर्‍यातले बुक पॅलेस हे दुकान चांगले आहे. त्याच्याकडे राजहंस प्रकाशनाची बहुतेक पुस्तके सहजी मिळतात आणि सर्व्हीस पण चांगली देतो. मात्र दुकान असल्याने पुस्तके स्वतः चाळून बघायची संधी मिळत नाही, घेऊन गेलेल्या लिस्टवरच मदार जास्त ठेवावी लागते! जास्त किमतीची खरेदी करून मागितली तर सूटदेखील मिळते.

औरंगाबादची माझी पुस्तकपंढरी म्हटले तर वावगे ठरणार नाही असे ठिकाण म्हणजे औरंगपुर्‍यातले बलवंत वाचनालय. तिथे त्यांच्या प्रशस्त हॉलमध्ये बहुतेक वेळातरी कुठले ना कुठले पुस्तकप्रदर्शन लागलेलेच असते.. कधी अक्षरधारा असते तर कधी मायबोली कुसुमाग्रज तर कधी ग्रंथाली वगैरे. दरवेळी निरनिराळ्या पुस्तकप्रदर्शनांच्या निमित्ताने वेगवेगळी माणसे भेटली तरी त्यातली बहुतेक माणसे अगदी मनमोकळी आणि उत्तम सर्व्हीस देणारीच असल्याने परत परत जायला मन अगदी तत्परच असते माझे. प्रदर्शनात मस्त सूट मिळते हेवेसांनलगे!

मी वाचनलयांत रमणारा मणूस.. पुस्तके बव्हंशी वाचनालयातून आणून वाचतो. आवडल्यावर(च) विकत घेतो. त्यामुळे जी संग्रही आहेत ती कुठे मिळतील याचा आगाऊ अंदाज असतो आणि तिथे गेल्यावर पुस्तक लगेच मिळते. त्यामुळे कोणते पुस्तकाचे दुकान चांगले हे सांगणे कठीण आहे.
नुसते पुस्तके बघत फिरायला कॉसवर्ड अथवा तत्सम दुकाने आवडतात जिथे तासन् तास पुस्तके बघत चाळत फिरता येते प्रसंगी वाचुन बघता येतात.

वा.. उत्तम धागा..

मी पुर्वी (विद्यार्थी असे पर्यंत) वाचनालयावर विसंबून प्राणी होतो.. तेव्हा पुस्तकांच्या दुकानात हावरटपणे हिंडत असे आणि नोकरी लागली की खूप पुस्तके विकत घेउ अशी स्वप्ने बघत असे.. पण वाचनालयातून पुस्तक आणण्यासारखी मजा नाही.. आपण पुस्तक विकत घ्यायचे म्हटले की नेहेमी 'बेअर' असतो आणि वाचनालयात 'बुल'..

पण गेली काही वर्षे एका जागी स्थिर नसलेले बूड व महाराष्ट्रतून बाहेर बराच काळ राहिल्याने पुस्तक विकत घेणे गरजेचे झाले..
पुण्यात पाथफाइंडर हे माझे आवडते ठिकाण.. फार प्रचंड मोठे नाहिये (लँडमार्क वगैरे दुकांनांसारखे) पण बर्‍यापैकी चांगले कलेक्शन आहे.. पुस्तके सांगून ठेवली तर मिळतात देखील.. पुण्यात नीलायम टॉकीजच्या जवळ आहे.. कोथरुड सिटी प्राइड मधल्या क्रॉसवर्ड्समध्ये देखील बरीच पुस्तके मिळतील.. अनवट पुस्तके नाही पण राजहंस ते पद्मगंधा प्रकाशनापर्यंत नवीन बरीचशी पुस्तके उपलब्ध असतात..
इंग्रजी पुस्तकांसाठी मला लँडमार्क फार उत्तम वाटले होते.. अर्थात मी फारसा तिथे गेलेलो नाही.. भारतात इंग्रजी पुस्तके खरेदी करायची असतील तर माझी सर्वात आवडती जागा www.flipkart.com इथे कायम डिस्काउंट असतो, सेवा अतिशय उत्तम आणि पुस्तके दिलेल्या तारखेच्या आत कुरिअरने पोच होतात.. अतिशय गुणी वेबसाईट..

पुण्यातल्या अब चौकातल्या रसिक प्रकाशनचा मला खूप चांगला अनुभव आहे. त्यांच्याकडे एखाद वेळी उपलब्ध नसलेली पुस्तकेही, त्यांनी मला मागवून दिली आहेत.

ठाण्यातल्या मॅजेस्टिकात हवी असलेली सगळी पुस्तके एकाच वेळी कधीच मिळत नाहीत. पण पुरेशी चिकाटी बाळगली, तर पुस्तके मागवून ठेवली जातात. राखून ठेवली जातात.
ठाण्यात मॅजेस्टिकच्या समोर न्यू गर्ल्स स्कूलमध्ये एक पुस्तक प्रदर्शन बरेचदा असतं, त्यात बर्‍याच प्रकाशनांची पुस्तकं असतात. पण तिथला विक्रेता उद्धट आणि तुसडा आहे. त्याला पुस्तक-लेखक-प्रकाशन वगैरेंची तर काही माहिती नसतेच, शिवाय मिळवायची इच्छाही.
बाकी माझ्या बर्‍याचश्या गरजा ठाण्यातलं मराठी ग्रंथ संग्रहालय भागवतं. तिथला स्टाफ अजिबात 'सरकारी' नाहीय. पुस्तकं सुचवणं, वेळा थोड्या पुढे-मागे करून पुस्तकं पुरवणं, नवीन पुस्तकं सातत्यानं आणि वाचकांच्या सुचवणीवरून(ही!) खरेदी करणं, पुस्तकं राखून ठेवणं - असे माझे लाड होतात तिथे. क्वचित पुस्तकं जुनी, पिवळी पडलेली, खिळखिळी असूही शकतील - पण कितीही जुनी पुस्तकं तिथे नक्की मिळतील.

आयडियल बूक स्टोअर, छबिलदास गल्ली, दादर (प.) मुंबै. पुस्तकांत रमण्याचे एक प्रसन्न ठिकाण...!

इंग्रजी पुस्तकांसाठी तुम्ही बुकझोन मध्ये जिमीभाई किंवा मार्टीन ला विचारु शकता..त्याच्याकडे जर एखादे पुस्तक नसेल तर तो मागवुन देतो.
त्यांच्या दुकाना चा फोन नंबर आहे: २२०५४६१६

इंग्रजी पुस्तकांसाठी तुम्ही बुकझोन मध्ये जिमीभाई किंवा मार्टीन ला विचारु शकता..त्याच्याकडे जर एखादे पुस्तक नसेल तर तो मागवुन देतो.
त्यांच्या दुकाना चा फोन नंबर आहे: २२०५४६१६

मराठी पुस्तके भारतात असताना ऑनलाईन मागवायची असतील तर चांगल्या साईट्स कोणत्या?

स्न्हेहल प्रकाशनचा पत्ता वा ईपत्ता आहे का कोणाकडे? असल्यास कृपया द्यावा, एका स्नेह्यांना तातडीने हवा आहे. मी शोधायचा प्रयत्न केला पण सापडला नाही.

डेक्कनवरच्या इंटरनॅशनलचाही अनुभव छान

मुंबईत पीपल्स बुक हाऊसला पर्याय नाही. मध्यवर्ती जागा (फोर्ट); मराठी, इंग्रजी आणि हिंदीमधली इतर ठिकाणी सहसा न मिळणारी पुष्कळ पुस्तकं मिळतात. दादरला आयडिअलपेक्षा मला मॅजेस्टिकचं स्टेशनसमोरचं 'भांडार' आवडतं. कितीही वेळ भटका, पुस्तकांचे गठ्ठे उपसा, चाळा... चालून जातं.

हे कुठे लिहावे ते समजले नाही. आत्ता इथे लिहीतेय दुसरीकडे हलवायचे असेल तर प्लीज सांगा.
मेहता पब्लिशिंग हाऊस मध्ये सेल चालु आहे.
मेहता पब्लिशिंग हाऊस
४०% पर्यंत सूट
दि. ९ ऑक्टोबर ते १५ ऑक्टोबर

यशोधरा बर झाल सांगीतलेस ते. माझे प॑ण राहिले विकएंडला जायचे.